Այսօր  տեղեկատվություն էր տարածվել, որ Վրաստանի ազգային անվտանգության խորհրդի նիստում որոշվել է բացել «Վերին Լարս» հսկիչ անցագրային կետը։

«Վրաստանը չպետք է կորցնի տարանցիկ լինելու իր կարգավիճակը, տարածաշրջանի երկրների համար՝ իր նշանակությունն ու ներուժը, և որ ամենակարևորն է՝ մեր երկիրն այդ ճանապարհի միջոցով Ռուսաստանով երրորդ երկրներ սեփական բեռների տարանցման հնարավորություն կստանա»,- այդ նիստի ժամանակ հայտարարել էր Վրաստանի նախագահ Միխայիլ Սահակաշվիլին։  

Անվտանգության խորհրդի քարտուղարն էլ նշել էր, որ փորձում են այնպես անել, որ պաշտպանված լինեն ինչպես Վրաստանի, այնպես էլ Հայաստանի շահերը։

Հայկական կողմը, սակայն, այս կապակցությամբ առայժմ մեկնաբանություններ չի արել։ Նշվում է, որ «Վերին Լարս» անցակետի բացման մասին դեռևս պաշտոնական հայտարարություն չի եղել։

Իսկ ՀՀ ԱԳ մամուլի և հասարակայնության հետ կապերի վարչության պետ Տիգրան Բալայանը «7օր»-ին ասել է, որ Հայաստանն իհարկե կողջունի, եթե Վրաստանն ու Ռուսաստանը համաձայնության գան։

7or.am