Վենետիկի հանձնաժողովը հրապարակել է իր գնահատականը Հայաստանում նոր սահմանադրության փոփոխությունների 1-7 գլուխների վերաբերյալ: Եւ եթե մի կողմ դնենք բարեկրթությունից բխոխ արտահայտությունները, ապա, ըստ էության, ամենանուրբ ձեւով նախագիծը հեգնանքի եւ ծաղրի է արժանացել:

Վենետիկի հանձնաժողովի փորձագետները առաջարկում են փոփոխել որոշ դրույթներ, մասնավորապես, պետք է հանվեն քվեարկելու և Ազգային ժողովի թեկնածու լինելու սահմանափակումները: Առաջարկվում է հանել այն, ինչը իշխանությունների նախաձեռնության հիմնական նպատակներից են:

Բացի այդ, փորձագետներն առաջարկում են հանել առավել մեծ թվով ձայներ հավաքած կուսակցությունների եւ կուսակցությունների դաշինքների միջեւ ընտրությունների երկրորդ փուլի մասին դրույթը: Եթե իշխանությունները գնան այս զիջմանը, ապա փաստորեն կհրաժարվեն իրենց ծրագրի մեխից՝ պարտադիր մեծամասնության ձեւավորումից:

Վենետիկի հանձնաժողովը կոչ է անում ՀՀ իշխանություններին շարունակել երկխոսությունը բոլոր քաղաքական ուժերի եւ քաղաքացիական հասարակության հետ եւ լայն աջակցություն ապահովել բարեփոխումների համար: Այլ կերպ ասած, դիվանագիտական լեզվով վենետիկի հանձնաժողովը իշխանություններին կոչ է անում հակառակ ժողովրդի կամքի չգնալ սահմանադրությունը փոխելու վտանգավոր ճանապարհով:

Հիշեցնենք, որ անհեթեթ եւ խայտառակ սահմանադրության նախագծի 89/4 հոդվածում մասնավորապես, ասվում է. «Եթե Ազգային ժողովի ընտրությունների առաջին փուլի արդյունքում կայուն խորհրդարանական մեծամասնություն չի ձևավորվում, ապա անցկացվում է քվեարկության երկորդ փուլ, որին մասնակցում են առավելագույն ձայներ ստացած երկու կուսակցությունները կամ կուսակցությունների դաշինքները»:

Այսպիսով, Վենետիկի հանձնաժողովը, մեղմ ասած, հավանության չի արժանացրել նախագիծը, բայց շատ ավելի ազնիվ կվարվեր, եթե առանց ավելորդությունների շեշտեր, որ ներկայացվածը ոչ թե սահմանադրության նախագիծ է, այլ անհեթեթությունների շարան:

Աղբյուրը՝ Top-News.am