Մի առիթով «Հանուն կայուն մարդկային զարգացման» ասոցիացիայի  նախագահ, ՄԱԿ-ի բնապահպանական ծրագրի ազգային կոմիտեի նախագահ, Հանրային խորհրդի անդամ Կարինե Դանիելյանը նշել էր, որ եթե Հանրային խորհուրդն իրեն չարդարացնի, ինքը դուրս կգա այնտեղից։ «7օր»-ի հարցին, թե այն, որ նա դեռ շարունակում է մնալ Հանրային խորհրդում, արդյոք նշանակո՞ւմ է, որ այդ կառույցն իրեն արդարացրել է, Կ. Դանիելյանը պատասխանել է, թե չի կարելի ասել, որ աշխատանքն իրեն 100%-ով բավարարում է։

-Հանրային խորհուրդը դեռ ձևավորման, կայացման ընթացքում է, և ես, համենայնդեպս, դեռ հույսեր ունեմ խորհրդի հետ։ Խնդիրն այն է, որ շատ բան չի երևում։ Ես նախագահի հետ մեր առաջին հանդիպումից հպարտ դուրս եկա, որովհետև այնտեղ շատ սուր հարցեր բարձրացվեցին, բայց դա ոչ մի տեղ չերևաց, ես մի քանի հարց բարձրացրեցի, և դրանից հետո զգացի, որ ինչ-որ բան տեղից շարժվում է,-ասել է նա։

7or.am