-Նա՛ էլ, Հմայա՛կն էլ ընդդիմության դափնիներն իրենց վրա են ցանկանում վերցնել՝ հայտարարելով իրենց կեղծ ու պիղծ մտահոգությունը Փաշինյան Նիկոլի վերաբերյալ։ Իրականում այդտեղ թաքնված է հասարակության համակարգը նվաճելու կեղծ, պիղծ և շնացող մի փորձ,- «7օր»-ին ասել է Մարքսիստական կուսակցության առաջնորդ Դավիթ Հակոբյանը՝ մեկնաբանելով թիվ 10 ընտրատարածքում պատգամավորության թեկնածու առաջադրված Վլադիմիր Կոստանյանի առաջարկը։

Հիշեցնենք, որ Վ. Կոստանյանը Կենտրոն համայնքի թիվ 10 ընտրատարածքում պատգամավորության թեկնածուներին առաջարկել է միասնաբար ինքնաբացարկ հայտարարել՝ Նիկոլ Փաշինյանի համար հավելյալ հնարավորություն ստեղծելով՝ մասնակցելու այդ ընտրատարածքում լրացուցիչ ընտրություններին։

Այդ նույն ընտրատարածքում առաջադրված թեկնածուներից Հմայակ Հովհաննիսյանն այսօր «7օր»-ին ասել է, որ ընդհանրապես Վ. Կոստանյանին լուրջ չի վերաբերվում։

Թեկնածուներից Դավիթ Հակոբյանն էլ հայտարարել է, որ Վլադիմիր Կոստանյանն ու Հմայակ Հովհաննիսյանը «հանրության մոտ կարծիք ձևավորելու անամոթ փորձ են կատարում, թե իրենք ընդդիմություն են և ընդդիմության մասին են հոգ տանում».

-Եթե այդքան հայ ժողովրդի մասին հոգ են տանում, թող բոլորն իրենց թեկնածությունը հանեն՝ հանուն Հակոբյան Դավթի։ Հանուն այն մարդու, ում պատվերը տվել է համայն հայությունը։ Ես կատարում եմ համայն հայության, ոչ թե ՀՀՇ-ի պատվերը, իսկ ՀՀՇ-ի լակեյը լինել չեմ ուզում։

7or.am