ՀԱՄ «Ո­գու պա­հա­պան­ներ» ու­սա­նո­ղա­կան և ե­րի­տա­սար­դա­կան կազ­մա­կեր­պութ­յու­նը հայտարարություն է տարածել, որտեղ անդրադարձ է կատարված «ՀԱՄ-ից  վտար­ված ո­րոշ ե­րի­տա­սարդ­նե­րի գոր­ծու­նեութ­յա­նը».

«Էդ­գար Հել­հել­յա­նը հե­ռաց­վել է ՀԱՄ-ից՝ ա­նընդ­հատ այս կամ այն կազ­մա­կեր­պութ­յուն­նե­րում տեղ ո­րո­նե­լու և հատ­­կա­պես ազ­գա­յին անվ­տան­գութ­յան մար­մին­նե­րի հետ սեր­տո­րեն հա­մա­գոր­ծակ­ցե­լու հա­մար, ին­չը շա­րու­նա­կում է նաև այ­սօր: Անդ­րա­նիկ Թան­գամ­յա­նը հե­ռաց­վել է Է. Հել­հել­յա­նի ազ­դե­ցութ­յան տակ ընկ­նե­լու (ին­չը բնա­վո­րութ­յան գիծ էր դար­­ձել) և ա­նի­մաստ ու ան­պա­տաս­խա­նա­տու հայ­տա­րա­րութ­յուն­ներ ա­նե­լու հա­մար: Վա­նա­ձո­ր­ցի ե­րի­տա­սարդ, ոմն Ման­վել Կոս­տանդ­յա­նը ոչ ե­ղել է ՀԱՄ ան­դամ, ոչ էլ, առավել ևս, հե­ռաց­վել, և նրա՝ այս խմբին միա­նալն ու ինք­նա­գոհ հայ­տա­րա­րութ­յուն­ներ ա­նե­լը բա­ցար­ձա­կա­պես «Ո­գու պա­հա­պան­ներին» չի հետաքրքրում»,-ասված է հայտարարության մեջ։

Արձագանքելով վերոհիշյալ հայտարարությանը՝ «7օր»-ի հետ զրույցում Ազգային նոր պահպանողական շարժման մամուլի ծառայությունից հայտնել են, թե «ՀԱՄ հայտարարությունը ամբողջովին լցված է կեղծիքով ու «աբիժնիկային» դրսևորումներով»:

-Նախ՝ Էդգար Հելհելյանը և մյուսները ՀԱՄ-ից հեռացել են ավելի քան 5 ամիս առաջ և ժամանակին, կրկին տեղի տալով ՀԱՄ հոխորտանքներին, մեկնաբանել են իրենց հեռանալու պատճառները: Երկրորդ՝ «Ոգու պահապաններ» ուսանողական միությունը ստեղծել են հենց նույն անձինք, որոնց հետ էլ երիտասարդական միության ամբողջ ակտիվը հեռացել է և այժմ գտնվում է Ազգային նոր պահպանողական շարժման կազմում:

ՀԱՄ «Ոգու պահապանների» հայտարարության մեջ նաև ասված է. «Իսկ թե այդ ո­մանք ինչ են ստա­ցել ՀԱՄ-ից՝ գա­ղա­փա­րա­կան, հո­գևոր և հատկապես նյու­թա­կան ա­ռում­նե­րով, և ինչ­պես են խու­սա­փել այս կամ այն ՀՀ և ԼՂՀ ու­ժա­յին մար­մին­նե­րի «ձեռ­քե­րից» և շո­ղո­քոր­թել ՀԱՄ ա­ռաջ­նոր­դին, կանդ­րա­դառ­նանք ըստ անհ­րա­ժեշ­տութ­յան»: Հայտարարության այս հատվածին էլ անդրադառնալով՝ Ազգային նոր պահպանողական շարժման մամուլի ծառայությունից հաղորդել են. «Ինչ վերաբերում է նյութականին, ապա ակամայից հիշեցինք հայտնի ասացվածքը՝ «Քաչալը ճար ունենար, իրա գլխին կքսեր»: Իսկ ուժային մարմիններից խուսափելու առումով ինքներս հայտարարենք՝ պարոն Հելհելյանը զինվորական ծառայության ընթացքում ունեցել է խնդիրներ վերադաս հրամանատարության որոշ ներկայացուցիչների հետ, որի ժամանակ Ա. Ավետիսյանը փորձել է ինչ-որ կերպ օգնել»:

Սյուզի Մելքոնյան