Ստեփան Դանիելյան. «Նման Սահմանադրության դեպքում իշխանությունը կարող է փոխվել միայն քաղաքացիական պատերազմի միջոցով»

● Հարցազրույց

17.07.2015 ● 15:05

Ստեփան Դանիելյան. «Նման Սահմանադրության դեպքում իշխանությունը կարող է փոխվել միայն քաղաքացիական պատերազմի միջոցով»

«Zham.am»-ի հետ զրույցում քաղաքագետ Ստեփան Դանիելյանն անդրադառնալով սահմանադրական փոփոխությունների նախագծին՝ ասել է, որ դրանով փորձ է արվում վերականգնել Խորհրդային Միության կառավարման մոդելը:

-Պարո՛ն Դանիելյան, ինչպե՞ս կգնահատեք օրերս հրապարակված սահմանադրական փոփոխությունների նախագիծը: Աշխարհում գոյություն ունի՞ խորհրդարանական կառավարման նման բովանդակությամբ մոդել, թե՞ սա նորարարություն է:

–Նախագիծը դիտարկելիս տեսնում ենք, որ նպատակը Հանրապետական կուսակցության իշխանության՝ սահմանադրական փոփոխությունների միջոցով ամրագրումն է: Փորձ է արվում վերականգնել Խորհրդային Միության կառավարման մոդելը, որի Սահմանադրությունում 6-րդ կետ գոյություն ուներ, որտեղ ասվում էր՝ Խորհրդային Միությունում Կոմունիստական կուսակցությունն ունի առաջնորդող դեր: Առանց նման կետի նշման՝ հենց նման մեխանիզմներ են առաջարկում:

–Այսինքն, նպատակը Սերժ Սարգսյանի վերարտադրությո՞ւնն է:

–Դա ուղղված է ՀՀԿ-ի իշխանության վերարտադրությանը, և ով կղեկավարի ՀՀԿ-ն՝ իրական իշխանությունն իրեն կպատկանի: Այսօր Սերժ Սարգսյանն է ՀՀԿ ղեկավարը, և ինչպես մենք կարող ենք ենթադրել, չի պատրաստվում հրաժարվել կուսակցության նախագահի պաշտոնից: Լավ կլիներ, որ նույն Դավիթ Հարությունյանը հայտարարեր, որ բացի նախագահ, վարչապետ և ԱԺ նախագահ չլինելուց՝ Սերժ Սարգսյանը չի պատրաստվում նաև ՀՀԿ նախագահ լինել: Այդ դեպքում պարզ կլիներ, որ նա չի պատրաստվում վերարտադրվել:

–Ինչպիսի՞ ռիսկայնություն ունի սահմանադրական փոփոխությունների այս նախագիծը և արդյոք լուծո՞ւմ է ազգային անվտանգությանն առնչվող խնդիրները:

–Իշխանությունը բռնազավթած խումբն իր հարմար Սահմանադրություն է ապահովում, և ինչպես ասել է Էդուարդ Շարմազանովը, առնվազն առաջիկա 10 տարիներին իրենք պահելու են իշխանությունը: Դա ի՞նչ վտանգ է պարունակում: Դա պարունակում է շատ լուրջ վտանգներ: Հայաստանում ժողովուրդն արդեն առաջարկվող Սահմանադրության միջոցով է զրկվելու իշխանություն ձևավորելու իր իրավունքից, և մենք գնում ենք շատ վտանգավոր ուղղությամբ, այսինքն՝ մի խումբ մարդկանց վրա այլևս որևէ ազդեցության մեխանիզմներ չեն լինելու, և նրանք նաև շատ լուրջ ջանքեր չեն թափելու ընտրությունների համար՝ թողնելով միայն խորհրդարանական ընտրությունները, որն իրենք կարծում են՝ շատ հեշտությամբ կլուծեն:

–Ի՞նչ միջոցներ կարող են ձեռնարկվել հասարակության կողմից հարցը հանրաքվեի չհասցնելու համար:

–Եթե Հայաստանում գործեր արդար ընտրությունների մեխանիզմը, ապա հարցը շատ հեշտ կլուծվեր. մարդիկ կգնային տեղամասեր և կասեին՝ «ոչ», և հարցը կփակվեր, սակայն մենք գիտենք, թե Հայաստանում ինչպես են ընտրություններն անցկացվում, և այդ պատճառով պետք է փնտրել այլ տարբերակներ: Օրինակ՝ սահմանադրական տարբերակ է, որ հանրությունը երկրում ստեղծի մի այնպիսի իրավիճակ, որ հայտարարվի արտակարգ դրություն, և, ըստ Սահմանադրության, արտակարգ դրության ժամանակ հանրաքվե և ընտրություններ չեն անցկացվում: Փաստորեն, նման Սահմանադրության դեպքում իշխանությունը կարող է փոխվել միայն քաղաքացիական պատերազմի միջոցով. զարգացման էվոլյուցիոն տարբերակն այդ դեպքում բացառվում է:

Մանրամասները՝ «Zham.am»–ում։

● Այս խորագրի վերջին նյութերը

Եթե ՔՊ-ն փորձի անտեսել քաղաքացիների ստորոգրությունը, «Մայր Հայաստանը» կնախաձեռնի հանրաքվե․ Արշակ Սարգսյան (տեսանյութ)

16.11.2024 ● 15:01

Երևանի ավագանու «Մայր Հայաստան» խմբակցության անդամ Արշակ Սարգսյանը խոսել է Երևանի տրանսպոտի թանկացման խնդրի, ավագանու «Մայր Հայաստան» խմբակցության կողմից մշակված նախագծի, ստորագրահավաքի մասին։

Գյումրիում ուզում են անել իշխանագողություն, դրածոյի նշանակում․ գյումրեցիները պետք է որոշեն իրենց ճակատագիրը․ Անդրանիկ Թևանյան (տեսանյութ)

16.11.2024 ● 07:40

Երևանում՝ թալան, Գյումրիում՝ իշխանագողություն։

Տրանսպորտի թանկացման որոշման պատճառով տուժելու են նաև մարզաբնակները (տեսանյութ)

15.11.2024 ● 21:13

Երևանի ավագանու «Մայր Հայաստան» խմբակցության անդամ Գևորգ Ստեփանյանն անդրադարձել է տրանսպորտի թանկացման վերաբերյալ իշխանության որոշմանը։

Հայաստանը կարող է այնպես խաղալ, որ ընդհանրապես մնա առանց էլեկտրաէներգիայի․ Անդրեյ Լիստովսկի (տեսանյութ)

15.11.2024 ● 10:35

Այն վտանգ է պարունակում, այդ թվում՝ Հայաստանի էներգաանվտանգության համար։

Դեմագոգ թալանչիներ են, տրանսպորտի ուղեվարձը 100 դրամից ավելի չի կարող լինել. Անդրանիկ Թևանյան (տեսանյութ)

15.11.2024 ● 08:24

Երևանի իշխանությունների կողմից տրանսպորտի ուղեվարձի թանկացումն անհիմն է ու չպետք է 100 դրամից ավելի լինի:

Հերիք է Ռուսաստանը լվա ձեռքերը՝ օրերի ընթացքում Հայաստան չի լինի. Երվանդ Բոզոյան (տեսանյութ)

13.11.2024 ● 10:41

Շավարշ Գեւորգյանի հյուրն է քաղաքագետ, «Մայր Հայաստան» շարժման նախաձեռնող խմբի անդամ Երվանդ Բոզոյանը։

Երգչուհի Արմինե Գրիգորյանը միացել է տրանսպորտի թանկացման դեմ ստորագրահավաքին (տեսանյութ)

Քաղաքացիները տոտալ դեմ են տրանսպորտի թանկացման իշխանության նախագծին (լուսանկար)

Փաստորեն, Երևանում դեռ գազելներ կան (տեսանյութ)

● Հարցազրույց