ՀՀ  օրենսդրության պահանջների  համաձայն  Պետական լիազոր մարմինը  պարտավոր  է  Նիկոլ  Փաշինյանին  տրամադրել  տեղեկանք  վերջին  5 տարում  Հայաստանում  մշտապես բնակվելու  մասին, եթե  անգամ  նա  բացակայած  լիներ  հանրապետությունից:

Ակնհայտ է  նաև, որ  այդ տեղեկանքը  չտրամադրելու  մասին  իր  անհիմն  □հիմնավորումը□ շրջանառության մեջ  դնելով, ՀՀ  Ոստիկանությունը' նախ,   զավեշտի  է  վերածել  այդ խնդրին  առնչվող  օրենսդրական   ողջ  համակարգը  և, երկրորդ, հասարակության  ուշադրությունը  շեղել  է  բուն  օրինախախտումից:  

Պատահական  չէ, որ այսօր, անգամ  շահագրգիռ շրջանակներում,  քննարկման  առարկա  է դարձել  ոչ  թե  «մշտապես բնակության  վայր»   հասկացությունն, այլ'  դրանից  բացակայության  կամ  չբացակայության  հարցը:   Ամեն  դեպքում, ՀՀ  օրենսդրությունը  չի  սահմանում  որևէ ժամկետ  նման  բացակայության  հետևանքով  քաղաքացուն  «մշտապես  բնակվելու»  կարգավիճակից  զրկելու  մասին  և, նաև դա  է  պատճառը, որ  համապատասխան տեղեկանքի  տրամադրումը  մշտապես կրել  է  ձևական բնույթ: Ավելին, Պետական  լիազոր  մարմինն  առ այսօր չի կարողանում  պարզաբանել,  անգամ,  օրենսդրությունում  տեղ  գտած  նույնաբովանդակ  հասկացությունների  իմաստը, մասնավորապես' բնակության  վայր, մշտապես, առավելապես, փաստացի  կամ  հաշվառման  բնակության  վայր  և այլն:

Թերևս, սա է պատճառը, որ  Պետական լիազոր մարմնի  Իջևանի բաժինն  իրեն  իրավունք է  վերապահել  քննարկել  Երևանում  մշտապես  բնակվող  Նիկոլ  Փաշինյանին  համապատասխան   տեղեկանք  տրամադրելու   հարցը  և, բնական  է,  անհիմն  մերժել:

Այսինքն, Պետական  լիազոր  մարմնի  հիշյալ  գործողություները  ոչ միայն  ապօրինի  են, այլև' իրավական  չեն  և  այդ կապակցությամբ  հ  ա  յ  տ  ա  ր  ա  ր  ու  մ        ե  ն  ք.

քաղբանտարկյալ  Նիկոլ  Փաշինյանի  նկատմամբ  իրականացվող ապօրինությունների  պատճառները  անթաքույց  քաղաքական  են և կոչ ենք անում 10-րդ  ընտրատարածքում  առաջադրված  թեկնածուներին, ընտրական գործընթացներին  իրենց մասնակցությամբ չմասնակցել  այդ  հաշվեհարդարին:    

Ռ. Թորոսյան