Հասարակությունը հստակ գիտակցում է, որ Սերժ Սարգսյանի` սահմանադրական բարեփոխումների ծրագրի իրական նպատակն իր վերարտադրությունն է: Սերժ Սարգսյանն էլ սոցիալական հենարան չունի, և հասարակությունը կըմբոստանա և կփորձի խանգարել սահմանադրական բարեփոխումներ իրականացնելու ծրագրի կայացմանը:

«Միգուցե սկզբում հասարակությունը չէր հասկանում, սակայն հիմա արդեն գիտակցում է, որ սա իշխանության վերարտադրության ծրագիր է, ոչ թե սահմանադրական բարեփոխումներ: Պետք է հաշվի առնել, որ հասարակության մեծ մասն իշխանություններին չի ընդունում, և Սերժ Սարգսյանը Հայաստանում սոցիալական հենարան չունի, այսինքն` իր կառավարման շրջանում տնտեսական զարգացում չի եղել, և իր իշխանության մնալու միակ տարբերակը սահմանադրական փոփոխություն անելն ու ընտրությունները կեղծելն է»,- «NewsBook»-ի հետ զրույցում նման դիտարկում արեց քաղաքագետ Արմեն Գրիգորյանը, քանի որ նա վստահ է` ՀՀ քաղաքացին չի ցանկանա ևս 15-20 տարի Սերժ Սարգսյանին տեսնել իշխանության մեջ: