15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
ՄԻԱՎ-ի կանխարգելումը չպետք է սահմանափակվի պահպանակ բաժանելով
ՁԻԱՀ-ի դեմ պայքարի համաշխարհային օրն ամեն տարի անցկացվում է որևէ կարգախոսի ներքո, որն արտացոլում է ընթացիկ պահի կենսական խնդիրները։ Նախորդ տարվա նման՝ այս տարվա համար ևս ընտրվել է «Համընդհանուր հասանելիություն և մարդու իրավունքներ» կարգախոսը՝ ընդգծելու համար ՄԻԱՎ վարակի համաճարակին հակազդելու գործում կանխարգելման, բուժման, խնամքի և աջակցության համընդհանուր հասանելիության և մարդու իրավունքների պաշտպանության կարևորությունը։
Այսօր Երևանում կայացել է ՁԻԱՀ-ի դեմ պայքարի համաշխարհային օրվան նվիրված մամլո ասուլիս, որտեղ «Իրական աշխարհ, իրական մարդիկ» ՀԿ-ի համանախագահ Հովհաննես Մադոյանը մասնավորապես նշել է, որ մարդու իրավունքների խախտումները և խավային խտրականությունը ՄԻԱՎ համաճարակի տարածման բարենպաստ պայմաններ են ստեղծում.
-Մարդու իրավունքների խախտման և խավային խտրականության ամենակարևոր պատճառը լռությունն է։ Մենք այսօր այն իրավիճակում ենք, երբ կա համընդհանուր լռություն խնդրի վերաբերյալ։ Եվ ավելի կարևոր է լռությունը կոնկրետ խմբերի խնդիրների վերաբերյալ։
Նա նաև նշել է, որ այսօր շատ քիչ է խոսվում մեր հասարակության որոշ շրջանակների խնդիրների մասին, և ստեղծված արհեստական մեկուսացումը այդ մարդկանց զրկում է իրենց իրավունքները պաշտպանելու հնարավորությունից։
-ՄԻԱՎ-ի կանխարգելումը չպետք է սահմանափակվի ընդամենը պահպանակ կամ տեղեկատվական նյութեր բաժանելով,-ասել է բանախոսը՝ հավելելով որ խնդրի լուծում կարող է դառնալ լռության խախտումը։
7or.am