-Երկու ձեռքով կողմ եմ, որ Նիկոլ Փաշինյանին ազատեն, ու նա առաջադրվի պատգամավորության թեկնածու։ Բոլորին խնդրում եմ, որ գան ազատ և արդար ընտրության։ Համոզված եմ, որ Կենտրոն համայնքով երկու անգամ ձայն ունեմ, հաղթելու եմ ավելի շատ, քան մարդիկ սպասում են,-«Արցախ» մամուլի ակումբում լրագրողների հետ հանդիպման ժամանակ ասել է մայրաքաղաքի 10-րդ ընտրատարածքում պատգամավորության թեկնածու առաջադրված Վլադիմիր Կոստանյանը։

Նա նշել է, թե ինքը նախագահական ընտրություններում աջակցել է Սերժ Սարգսյանին, սակայն ՀՀԿ անդամ չէ.

-Ես սատարում եմ երկրի նախագահին ու նրա աշխատանքները, որովհետև տեսնում ու համակրում եմ այդ ամենը։ Պետք է հարգենք այդ պաշտոնը և սատարենք այդ մարդուն, որովհետև մեր դեմքն ա ինքը,-հայտարարել է Վլ. Կոստանյանը։

-Ինչ վերաբերում է ինձ, այո՛, անդամակցել եմ «Օրինաց երկրին», բայց երբ այդ կուսակցությունը րոպեական փոխեց իր քաղաքական կուրսը, ես անմիջապես հեռացա այնտեղից։ Երկար տարիներ անդամակցել եմ Հայաստանի առաջադիմական կուսակցությանը։

Այս առաջադրումից առաջ, Կոստանյանի հաղորդմամբ, կուսակցական ընկերների հետ եկել է որոշակի համաձայնության և ազատվել կուսակցական պարտականություններից։

7or.am