-Կցանկանայի, որ Նիկոլ Փաշինյանի և Էդվարդ Մադաթյանի թեկնածությունները հանձնաժողովը գրանցեր, ու մենք բոլորս մրցեինք հավասար ու արդար պայքարում և չսպասարկեինք որևէ քաղաքական հոսանքի շահերը,-լրագրողների հետ հանդիպման ժամանակ ասել է Կենտրոն համայնքի 10-րդ ընտրատեղամասում պատգամավորության թեկնածու առաջադրված Վլադիմիր Կոստանյանը։

Կոստանյանը համոզմունք է հայտնել, որ 10-րդ ընտրատարածքում պայքարն ընթանալու է իր և Հմայակ Հովհաննիսյանի միջև.

-Առանց արձագանքելու Դավիթ Հակոբյան՝ի անգրագետ ու ոչ կոռեկտ կերպով իմ հասցեին արտահայտած քառատողերին' ցավով եմ փաստում, որ նա էլ չի գրանցվելու որպես պատգամավորության թեկնածու։ Եթե նույնիսկ Ազգային միաբանության ներկայացուցիչը ինքնաբացարկ չհայտարարի, ակնհայտ է, որ ընտրություններին մասնակցելու են 2 հիմնական թեկնածու՝ իշխանամետ և ընդդիմադիր։

Ընդդիմադիր ասելով' Վ. Կոստանյանը նկատի ունի Հմայակ Հովհաննիսյանին.

-Հմայակ Հովհաննիսյանի հիմնական գործը եղել է, փախեփախ անելով տարբեր թիմերից ու ճամբարներ փոխելով, պախարակել երկրի ղեկավարներին։ Նա մշտապես ծառայել է երկիրը ապակայունացնող ուժերին, փորձել է սասանել ու խարխլել մեր կայունությունն ու ներքին խաղաղությունը։

7or.am