Ելույթ ունենալով Գյումրի քաղաքի օրվա կապացությամբ, քաղաքապետ Վարդան Ղուկասյանը դժգոհել է ՏԻՄ-երի նկատմամբ կառավարության խտրական վերաբերմունքից՝ հատկապես ֆինանսավորման առումով: Քաղաքապետը հատկապես դժգոհել է Երևանին եւ Գյումրուն հատկացվող դոտացիաների տարբերությունից։ «Մոտավորապես իմ հաշվարկներով միայն Երևանին հատկացված գումարները կազմում է 150 միլիարդ դրամ, իսկ Գյումրի քաղաքին հատկացվում է 3 միլիարդ 600 միլոն: Բա ի՞նչ եք ուզում: Ամբողջ Հայաստանի քաղաքներին և գյուղերին տրվում է 25 միլիարդ դրամ, միայն Երևանին 150 միլարդ, էլ չեմ ասում սուբսիդիաները: Էդպես տարբերություն աշխարհի ոչ մի քաղաքում չկա: Ես սա ասում եմ, որովհետեւ քաղաքապետ եմ, նամանավանդ հայրաքաղաքի քաղաքապետն եմ: 10 տարի պատմության մեջ գրված եմ, դրանից հետո ինչ կլինի թող լինի»,- լյուդովիկյան ոճով հայտարարել է Վարդան Ղուկասյանը:

Դերենիկ Մալխասյան

Գյումրի