Հայաստանի պաշտպանության նախարարության հանրապետական զինկոմիսարիատի զորակոչի բաժնի պետ, գնդապետ Գագիկ Հարությունյանը լրագրողների հետ հանդիպման ժամանակ ասել է, թե ժողովրդի մեջ պտտվող այն խոսակցությունները, որ պարտադիր զորակոչումը կիրականացվի 18 տարեկանից, և երիտասարդները չեն հասցնի ընդունվել բարձրագույն ուսումնական հաստատություններ, դեռ չեն համապատասխանում իրականությանը։

-«Զինապարտության մասին» ՀՀ օրենքի փոփոխությունների նախագիծ դեռևս չկա։ Մինչև ԱԺ-ն չընդունի, դրա մասին խոսք անգամ չկա։ Թող բոլորը հանգիստ սովորեն իրենց բուհերում։ Երբ ԱԺ-ն ընդունի օրենքի փոփոխություն, բոլորս տեղյակ կլինենք, իսկ առայժմ նման բան չկա,-ասել է նա։

7or.am