-Մենք ասում էինք, որ Հայաստանի կողմից Լեռնային Ղարաբաղի ճանաչումը Կոսովոյից առաջ ճանապարհ կբացի մյուս պետությունների կողմից Լեռնային Ղարաբաղի ճանաչմանը որպես պետականություն։ Դա նաև իրավական մակարդակի վրա կդնի այն բոլոր հարցերը, որ կան Հայաստանի և Լեռնային Ղարաբաղի միջև։ Նամանավանդ հայ-թուրքական այս արձանագրությունների ստորագրումից հետո և վավերացումից առաջ «Ժառանգություն» կուսակցությունը նորից կարևորում է այս խնդիրը, որ Հայաստանը ճանաչի Լեռնային Ղարաբաղի պետությունը, և եթե մենք չենք ճանաչում, դժվար թե միջազգային հանրությունը ճանաչի այդ պետությունը,- «Դուպլեքս» ակումբում լրագրողներին ասել է «Ժառանգություն» խմբակցության անդամ Անահիտ Բախշյանը։

Նա կարծիք է հայտնել, որ այս անգամ հավանականությունը, որ օրինագիծը կընդգրկվի Ազգային ժողովի օրակարգ, ավելի բարձր է, քան 2007թ., որովհետև արդեն տարբեր քաղաքական ուժեր են խոսում այդ մասին։

-Գոնե մտնի օրակարգ։ Թող խոսվի՛, թող քննարկվի՛, թող բարձրաձայնվի՛։

7or.am