-Մեր դեմ ուղղված PR-ը  բումերագի էֆեկտով լավ հակադարձ կստանա,- «Փաստարկ» ակումբում «7օր»-ին ասել է «Բարգավաճ Հայաստան» կուսակցության նախագահի մամլո խոսնակ Խաչիկ Գալստյանը՝ նշելով, որ թեև իրենք դեռ չեն գտել ինտերնետում տեղադրված այն տեսանյութը տարածողներին, որտեղ վանդակում առյուծները տանջում են մի ավանակի, սակայն հայտնաբերելու դեպքում կդիմեն դատարան։

Հիշեցնենք, որ ԱԺ-ում, պատասխանելով լրագրողների հարցերին, ԲՀԿ նախագահ Գագիկ Ծառուկյանը հերքել էր շրջանառվող լուրերը, թե այդ առյուծներն իրենն են։ Ավելին, նա նշել էր, որ «այդ սխալ լուր տարածողի ականջը պետք է ձգել։ Ով այդ շանտաժները տարածում է, պետք է պատժվի և՛ բարոյապես, և՛ ֆիզիկապես, և՛ ֆինանսապես»։

Գ. Ծառուկյանի իրավաբաններին արդեն հանձնարարվել է հետաքննել գործը։

-Եթե կարողանան այդ հասցեատիրոջը գտնել, ում դեմ մենք դատական հայցով կարողանանք մտնել դատարան, բնականաբար, մենք դա անելու ենք և փոխհատուցման գումարի հայցով մտնելու ենք դատարան։ Եվ ես անձամբ նախաձեռնելու եմ, որ այդ գումարները փոխանցվեն կենդանիների պաշտպանության կոմիտեին,- ավելացրել է ԲՀԿ նախագահի մամլո խոսնակը։

7or.am