Հայաստանի Հանրապետության Արտաքին Գործերի նախարար Էդվարդ Նալբանդյանն, ելույթ ունենալով «Արևելյան Գործընկերություն. Հաջորդ քայլը եվրոպական ինտեգրում» համաժողովում, մասնավորապես ասել է. «Եվրոպական միությունն ունի Հարավային Կովկասի երկրների միջև համագործակցությունը խթանելու որոշակի ներուժ և կարող է նպաստել մեր տարածաշրջանում կայունության ու համերաշխության հաստատմանը: Ափսոսանքով կարելի է նշել, որ ոչ բոլորն են կիսում տարածաշրջանային համագործակցությանն ու փոխվստահության մտնոլորտ հաստատելու համաեւրոպական մոտեցումը: Դեռևս Արևելյան գործընկերության նախապատրաստական փուլում, ինչպես նաև դրա առաջին իսկ հանդիպումների ժամանակ, Ադրբեջանը որդեգրեց նախաձեռնության շրջանակներում Հայաստանի հետ համագործակցությունը բացառելու դիրքորոշում: Կարծում եմ, սա անհեռատես մոտեցում է, որը պիտի համարժեք գնահատական ստանա մեր եվորոպական գործընկերների կողմից»։