-Չեմ ուզում որևէ մեկի խոսքը գնահատել, առավել ևս մարդկանց, ովքեր մեծ կորուստներ են կրել,-«7օր»-ի հետ զրույցում այսպես է պատասխանել ԱԺ նախկին նախագահ Տիգրան Թորոսյանը հարցին, թե ինչպես է գնահատում Ռիմա Դեմիրճյանի հետևյալ հայտարարությունը. «Սա պետք է կատարվեր ավելի շուտ, քան հիմա։ Բայց լավ է գոնե, եթե չեն արել նախորդ Ազգային ժողովները, ապա ներկայիս Ազգային ժողովը,  նրա ղեկավարությունը ձեռնամուխ է եղել այս միջոցառմանը, արձանի կայացմանը»։

-Բայց ուրիշ բան կա. փնտրե՛ք և փորձե՛ք գտնել մի երկիր, որտեղ խորհրդարանի հուշաքարի փոխարեն ուրիշ բան է դրվում։ Դժբախտաբար, նման բան չեք գտնի։ Սա ինքնին խոսուն փաստ է։ Ուրիշ բան չեմ էլ ուզում ասել,-նշել է Տ. Թորոսյանը։

-Ինձ համար շատ ավելի կարևոր է, որ մենք բացահայտենք պատճառները և վերացնենք։ Որովհետև քանի դրանք չեն վերացվել, վտանգներ կարող են լինել, որ այդ ամենը, դժբախտաբար, մի օր կարող է կրկնվել։ Սա շատ ավելի կարևոր հարց է։ Ցավոք, այս առումով մենք չենք կարող որևէ լուրջ հետևություն անել,-նկատել է ԱԺ պատգամավորը։

7or.am