Հայաստանի Մարքսիստական կուսակցության նախագահ Դավիթ Հակոբյանը լրագրողների հետ հանդիպման ժամանակ ասել է, որ ՀՀ իշխանությունները դիվանագիտության մեջ տանուլ են տվել, և իշխանափոխությունն այսօր պատմական անհրաժեշտություն է։

 -Իշխանափոխություն՝ ոչ միայն վարչախմբի առումով, այլ նաև առաջին հերթին նոր գաղափարական սերնդափոխության առումով։ Այդ իսկ պատճառով ՀՀՇ-ի կամ այդ հարթակի տղաների (խոսքը ՀԱԿ-ի մասին է-7or) ժամանակներն անցել են։ Ես կարող եմ հստակ ասել, որ հանրապետականների պրոտոտիպը, կնքահայրը կամ նախահայրը ՀՀՇ-ն է։ Այնպես որ, երկու կուսակցություններն էլ բացարձակապես նույն գաղափարախոսությունն ու նույն լիբերալ տնտեսական քաղաքականությունն են վարում,-ասել է նա։

Ըստ Դավիթ Հակոբյանի՝ այսօր ազգային շահերը պահանջում են սկզբունքորեն նոր ազգային գաղափարախոսություն և նոր «լիդեր»։

-Այս առումով ՀՀՇ-ն և Դաշնակցությունը վաղուց իրենց սպառել են։ Երկուսն էլ, հատկապես առանձին-առանձին, կրիտիկակական զանգված  փողոց դուրս բերելու ի զորու չեն։ Ժամանակն է՝ նոր անահտականություններ արենա դուրս գան, սա է խնդիրը,-ասել է գլխավոր մարքսիստը։

7or.am