«Վեստի»–ի փոխանցմամբ՝ ռուս ընդդիմադիր գործիչ Բորիս Նեմցովի սպանության մեջ մեղադրվող Զաուր Դադաևի պաշտպան Իվան Գերասիմովը հայտարարել է, որ իր պաշտպանյալն ալիբի ունի, և այժմ ինքը զբաղվում է համապատասխան փաստաթղթերի հավաքագրմամբ։

ՌԴ ՆԳՆ չեչենական «Հյուսիս» գումարտակի նախկին փոխհրամանատար Զաուր Դադաևը, ըստ հետաքննության, եղել է սպանության անմիջական իրագործողը։ Սակայն դա վերջնական հաստատելու համար անհրաժեշտ է ջրասուզակների՝ Մոսկվա գետից հանած ատրճանակներից մեկի փորձաքննական եզրակացությունը, որը դեռ պատրաստ չէ։

Ընդդիմադիր գործչի սպանությանը մասնակցելու կասկածանքով ձերբակալվել են նաև Անզոր և Շադիդ Գուբաշևները, Համզաթ Բախաևը, Թամերլան Էսկերխանովը, որոնք կալանքի տակ կմնան մինչև ապրիլի 28–ը։

7or.am