ԼՂՀ պաշտպանության բանակի նախկին հրամանատար Սամվել Բաբայանը «Դե ֆակտո» ակումբում լրագրողներին ասել է, որ հայ ժողովրդին պետք է կարմիր գրքում գրանցել, որովհետև երկրագնդի վրա չկա որևէ այլ ժողովուրդ, որն իր ազատագրած պատմական հողերը ցանկանում է հանձնել հարստանալու և լավ ապրելու համար, քանի որ դա անհեթեթություն է։

Նախիջևանում կայացած թուրքալեզու երկրների համաժողովի ժամանակ հնչած Ադրբեջանի նախագահ Իլհամ Ալիևի հայտարարությունը՝ ադրբեջանական պատմական հնամենի երկրամասի՝ Զանգեզուրի անջատումը Ադրբեջանից և դրա միացումը Հայաստանին աշխարհագրորեն մասնատել է թուրքական մեծ աշխարհը, Ս. Բաբայանի համոզմամբ՝ հստակ «մեսիջ» էր, որ Ադրբեջանն ու Թուրքիան միասնական են և չեն հրաժարվել իրենց նախկին ծրագրերից։

ԼՂՀ պաշտպանության բանակի նախկին հրամանատարը նաև հավատում է, որ հայ-թուրքական արձանագրութունների նախաստորագրման հարցում Սերժ Սարգսյանի վրա իրոք ճնշումներ չեն եղել.

-Զարմանալ չի կարելի, որովհետև մենք նման կարծիքի ղեկավարություն ժամանակին էլի ենք ունեցել։

7or.am