-Մենք հասկանում ենք, որ իշխանությունը ճնշված է, սա միայն իշխանության որոշումը չէ, պարտադրված որոշում է,-խոսելով հայ-թուրքական նախաստորագրված արձանագրությունների մասին՝ ասել է Ժողովրդական կուսակցության նախագահ Տիգրան Կարապետյանը։

Անդրադառնալով երեքշաբթի օրը 12 կուսակցությունների կողմից ստորագրված համատեղ հայտարարությանը և պատասխանելով լրագրողներից մեկի հարցին՝ թե այս միավորումն, ի վերջո, ինչ կարող է տալ, ԺԿ նախագահն ասել է.

-Ինձ համար անակնկալ էր, թե ովքեր էին հավաքվել. ինչքան սառեցված կուսակցություն կա, արթնացնում են, այդպիսի բան ՀԱԿ-ն էր անում, միայն թե ասեին, որ 30 կուսակցություն միացել է իրենց։ Դա միավորում չէր, դա ստորագրություն էր հայտարարության տակ։

Տիգրան Կարապետյանն ասել է, թե ինքը նախապես չի իմացել, թե ովքեր են ստորագրել այդ հայտարարության տակ։

-Վահան Հովհաննիսյանն ինձ առաջարկել է, ես էլ ասացի, որ հաճույքով կստորագրեմ, որովհետև ես էլ եմ ասում՝ Ո՛Չ արձանագրություններին։ Ես չեմ փոշմանել, որ ստորագրել եմ, պարզապես ես չեմ ուզում պոպուլիզմով զբաղվել,-ասել է Տ. Կարապետիչը։

 7or.am