ՀՀԿ խմբակցության ղեկավար Գալուստ Սահակյանը թերթերից մեկին ասել է, որ Սփյուռքում Սերժ Սարգսյանի դեմ բողոքողները տականքներ են, և մոլախոտը մեր ազգից դեռևս չի վերացել.

«Ցեղի տականքները հենց բողոքողներն են»,- ասել է նա։

-Դա նշանակում է քամու դեմ թքել, իսկ քամու դեմ թքել չի՛ կարելի, որովհետև քեզ վրա է բերում,- մեկնաբանելով Գ. Սահակյանի խոսքերը՝ «7օր»-ին ասել է «Սոցիալ-դեմոկրատ հնչակյան կուսակցության» հայաստանյան ներկայացուցիչ Վահան Շիրխանյանը.

-Քաղաքականությունից բացարձակ անտեղյակ մարդու խոսքեր են, որովհետև Սփյուռքն իր բացարձակ մեծամասնությամբ այս արձանագրություններին ճշմարտացիորեն դեմ է։ Դիվանագիտական հարաբերությունները կարող են հաստատվել միմիայն Հայաստան-Սփյուռք միասնական տեսակետ ձևավորելուց հետո։ Եթե Գ. Սահակյանին թվում է, որ Հայաստանը կարող է դառնալ երկիր՝ առանց Սփյուռքի օգնության, չարաչար սխալվում է։ Գռեհիկ արտահայտություն է, որը պաշտոնատար անձն իրավունք չունի երբև թույլ տալ։

7or.am