Հայաստանի Հանրապետության վարչապետ Տիգրան Սարգսյանն այսօր ընդունել է Ռամկավար ազատական կուսակցության ԱՄՆ-ի, Կանադայի, Եվրոպայի և Մերձավոր Արևելքի շրջանների պատվիրակներին, ովքեր Հայաստանում են Արմենական կուսակցության հետ համատեղ համաժողովի առիթով։

Տիգրան Սարգսյանը կարեւորել է ՌԱԿ-ի դերն ու նշանակությունը եւ հույս է հայտնել, որ անցած համաժողովը նոր լիցք կհաղորդի կուսակցության գործունեության զարգացմանը եւ կնպաստի կուսակցության առջեւ դրված խնդիրների լուծմանն ու հետագա արդյունավետ գործունեությանը։Պատվիրակության անդամները շնորհակալություն են հայտնել ՀՀ վարչապետին հանգամանալից զրույցի համար և հաջողություններ մաղթել նրան։