2001թ.-ից «Գնենք մե՛րը» և «Ո՛չ թուրքական ապրանքներին» բարոյական արժանապատվության կոչերով հանդես եկող «Սպառողների ասոցիացիայի» նախագահ Արմեն Պողոսյանն այսօր լրագրողներին ասել է, թե, չնայած առկա վտանգներին, դրական է գնահատում հայ-թուրքական նախաստորագրված արձանագրությունները։ «Ես դրական եմ գնահատում սահմանի բացումը, բայց այն պայմանով, որ դրանից չտուժեն հայկական ապրանքատեսակներն ու հայ սպառողը»,-նշել է Ա. Պողոսյանը՝ հավելելով, որ Թուրքիայի կողմից Հայաստանի ապաշրջափակումից հետո տնտեսական էքսպանսիայի, տեղական շուկան թուրքականացնելու, տեղական արտադրողի շահերը պաշտպանելու խնդիր է առաջանալու։ Իսկ դրա երաշխիքն, ըստ  «Սպառողների ասոցիացիայի» նախագահի, Հայաստանի տնտեսության արատավոր կուրսի փոփոխությունն ու մենաշնորհների վերացումն է։ Արմեն Պողոսյանը նաև նշել է, որ սահմանի բացումը կնպաստի տեղական արտադրանքի գների նվազմանը։

«7or.am»