Զանգվածային լրատվամիջոցների ազատությունն ու բազմակարծությունը մեծ դեր է խաղում պետական կառավարման բաց և արդար գործընթացի ապահովման մեջ։ Այս մասին հունվարի 27-ին հայտարարել է ԵԱՀԿ Երևանյան գրասենյակի ղեկավար, դեսպան Սերգեյ Կապինոսը՝ ելույթ ունենալով կոնֆերանսում «Հայաստանի ԶԼՄ-ները. 2010թ-ի արդյունքները և 2011 թ-ի միտումները» թեմայով։

-Անհրաժեշտ է, որ զանգվածային լրատվամիջոցները ապահովեն ժողովրդի հետ հետադարձ կապը։ Սա բարեխիղճ կառավարման իրականացման պայմաններից է,-ասել է Կապինոսը։

Խոսելով «Հեռուստատեսության և ռադիոյի մասին» օրենքում փոփոխություններ կատարելու մասին՝ նա նշել է, որ թվային հեռարձակմանը և պատշաճ իրավական դաշտին անցնելու ճիշտ քաղաքականության առկայությունը հաջող անցման կարևոր նախադրյալներից է. «Դժբախտաբար, նախորդ տարի մինչ թույլտվություն ստանալու համար մրցույթի անցկացումը չեն ապահովվել իրավական պաշտպանության համապատասխան մեխանիզմներ»։