Հարցազրույց ՀՀ ԱԺ պատգամավոր, ՀՀԿ «Գյումրի-2» շրջանային կազմակերպության ղեկավար Սուքիաս Ավետիսյանի հետ:

 -Ինչպե՞ս կմեկնաբանեք «Պոպուլուս» հանրային կարծիքի ուսումնասիրությամբ զբաղվող կենտրոնի կատարած հարցումների արդյունքներին, ըստ որոնց ԲՀԿ-ն ավելի բարձր վարկանիշ ունի, քան ՀՀԿ-ն:

-Ես ընդհանրապես նման բաներին ուշադրություն չեմ դարձնում:

-Իսկ ինչպես ե՞ք վերաբերվում Սերժ Սարգսյանի Լիսաբոն չմեկնելու փաստին:

-Միանշանակ ճիշտ քայլ էր, դրա մասին մեր կուսակցության կողմից բազմաթիվ մեկնաբանություններ արդեն եղել են:

-Լիսաբոն գնալ-չգնալը Սերժ Սարգսյանը քննարկե՞լ է Հանրապետական կուսակցության հետ:

–ՀՀԿ-ում կա մարմին, որտեղ նման հարցերը միշտ խորհրդակցվում են:

-Իսկ կոնկրետ Լիսաբոն չգնալը քննարկե՞լ է ՀՀԿ-ի հետ:

-Չեմ կարող ասել, կա համապատասխան գործադիր մարմին, որտեղ էլ նման հարցերը քննարկում են: Կոնկրետ Լիսաբոնի հարցով ներկա չեմ եղել, դրա համար էլ ոչինչ չեմ կարող ասել:

-Արդեն հայտնի՞ է՝ Սերժ Սարգսյանը Աստանա մեկնելո՞ւ է:

-Կոնկրետ այս պահին որևէ պատճառ չկա չմեկնելու:

-Իսկ Աստանա մեկնել-չմեկնելու հարցը քննարկվե՞լ է կուսակիցների հետ:

-Տեղյակ չեմ:

Զրույցը վարեց Դերենիկ Մալխասյանը