-Դե ֆակտո գործող սահմանը ամրագրված է սովետա-թուրքական սահմանագծման փաստաթղթերով։ Հենց այդ սահմանն էլ գործում է։ Հայաստանը իրավահաջորդներից մեկն  է խորհրդային միության և վերցրել է իր վրա պարտավորություն հարգել բոլոր այն պայմանագրերը, որոնք կնքվել են խորհրդային միության և այլ երկրների հետ,- խորհրդարանական լսումներին հարց ու պատասխանի ժամանակ ասել է արտգործնախարար Է.Նալբանդյանը, ինչից հետո արժանացել է ներկաներից Սիմոն Կամսարականի դժգոհությանը, ով հորդորել է չխաբել և չհիմարացանել դահլիճում գտնվողներին։

Շարունակելով պատասխանել հարցերին՝ Է.Նալբանդյանն ասել է.

-Կարծում եմ եռանախագահների կողմից այսօրվա, և բազմիցս արված հայտարարություները, որ հայ-թուրքկան հարաբերությունների կարգավորման և Լեռնային Ղարաբաղի հակամարտության գործընթացները կապակցված չեն ցույց են տալիս, թե ռեսուրսը ում կողմն է։ Եթե անգամ Թուրքիան ժամանակ առ ժամանակ հայտարարում է, որ կապակցված են, դա որևէ բան չի փոխում։