-Արձանագրությունները ոչ թե նախապայմաններ, այլ պարտադրանք պարունակող փաստաթղթեր են։ Երրորդ կետում նշված է, որ այս փաստաթղթերը կստորագրվեն և կներկայացվեն խորհրդարաններին վավերացման համար։ Այսինքն, անկախ նրանից, թե մենք այստեղ կքննարկենք, թե չենք քննարկվի, մեկ է, այս փաստաթղթերը կստորագրվեն,-ՀՀ Ազգային ժողովի արտաքին հարաբերությունների մշտական հանձնաժողովի կազմակերպած «Նախաստորագրված արձանագրությունները և Հայաստան-Թուրքիա հարաբերությունների կարգավորման գործընթացը» թեմայով խորհրդարանական լսումներին իր ելույթի ժամանակ ասել է «Ժառանգություն» խմբակցության քարտուղար Լարիսա Ալավերդյանը։

Նա նշել է, որ փաստաթղթերում նախապայմաններ ամրագրելու կարիք չկա, որովհետև ՀՀ նախագահն արդեն խոստումներ տվել է։

-Երկրի նախագահն արդեն ասել է, որ պատրաստ է վերադարձնել Լեռնային Ղարաբաղի ինքնավար մարզի շուրջ բոլոր տարծքները։ Եթե արդեն հայատարարել է, էլ ի՞նչ նախապայման,-ասել է պատգամավորը։

7or.am