Նորաստեղծ «Garabagh.org» պարսկալեզու հայկական կայքէջը, որ հիմնականում ջրի երես էր բերում թուրք-ադրբեջանական սուտերը, ղարաբաղյան ազատամարտի եւ մանավանդ Սումգայիթի եւ Բաքվի ցեղասպանությունների ու նաեւ Խոջալուի դեպքերի մասին, հայտնվել է ադրբեջանցի հակերների նշանակետում:

Ընդամենը մի քանի օր աշխատած «Garabagh.org»-ը կարճ ժամանակում կարողացել էր բավական մեծ քանակով ընթերցողների հավաքել իր շուրջ, ինչը աննկատ չմնաց նաեւ պանթուրքիստների կողմից, այնպես որ ադրբեջանական լրատվական միջոցները եւ մանավանդ «A.TV.»-ին, որը սփռվում է տարբեր լեզուներով, ընդ որում նաեւ հայերենով եւ պարսկերենով անասելի լուտանքներ թափելով այս կայքէջի գլխին կարծես իր գործակալներին հրաման էր տալիս սկսեն իրենց ջախջախիչ գործունեությունը, որից ընդամենը քանի ժամ անց միանգամայն ջնջվեցին կայքէջի լուրերը ինչը մեծ ցավ կարող է պատճառել ազատատենչ յուրաքանչյուր մարդու:

Մեր հետապնդումների արդյունքում պարզվեց, որ շուտով վերականգնվելու է կայքէջի բնական գործունեությունը, որի առիթով շնորհավորում ենք կայքէջի աշխատակիցներին: