ՀՀ ԱԺ նախագահ Գալուստ Սահակյանը լրագրողների հետ զրույցում անդրադարձել է ՀՀԿ-ական պատգամավոր Սեյրան Սարոյանի ելույթին։

–Չէի ասի՝ գողական պառապաշարով էր խոսում. ժողովրդական բառապաշար էր: Այն ռեգիոնում, որտեղ ինքը ծնվել է, այդ խոսքն օգտագործեց։ Եթե ժողովրդական բանն ու խոսքը չլիներ, այսօր Թումանյան, Տերյան չէինք ունենա։ Ազգային կոլորիտով խոսակցությունները, մոտեցումները, ձևավորումները, ԱԺ–ում նրա ելույթը ոչ թե որոշակի ուղղվածություն ուներ այս կամ այն քաղաքական կամ թեկուզ իրավական տեսակետից, այլ պարզապես խոսքն արժևորվեց նրանով, որ կարելի է հանդուրժող լինել: Այսինքն՝ ես սկսեցի թարգմանել: Իմ տպավորությամբ՝ նրա ելույթը լավ ընդունվեց,–ասել է Գ. Սահակյանը։

Նա հավելել է, որ մարդու խոսքն ավելի մեծ ազդեցություն ունի, քան բռնությունը.

–Մարդը տուն է գնում, հարձակվում, ծեծում են: Ինչպիսի գործողություն էլ արած լինի, ինչպիսի թշնամիներ էլ ունենա, բռնությունն անասնական զգացում է:Եթե ինձ էլ հայհոյեն, ես պատասխան եմ տալու, բայց համաչափ և շատ գրական լեզվով, որն ավելի զորեղ կլինի, քան ցանկացած հայհոյանք:

7or.am