Սեպտեմբերի 19-ին, ժամը 01.35-ին Գեղարքունիքի մարզից ահազանգ է ստացվել, որ Գավառ-Սևան ավտոճանապարհի 26-րդ կիլոմետրում' Չկալովկա գյուղի մոտ, տեղի է ունեցել ավտոպատահար, կան տուժածներ և նրանց դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Տեղում պարզվել է, որ «Գազել» մակնիշի 18 ՕԼ 103 պետհամարանիշի բեռնատար ավտոմեքենան (վարորդ' Գավառի Հացատուն թաղամասի բնակիչ, 1970թ. ծնված Գեղամ Կարապետյան) բախվել է «ԳԱԶ-52» մակնիշի առանց պետհամարանիշի բեռնատարին և շրջվել:

Պատահարի հետեւանքով «Գազել» մակնիշի ավտոմեքենայի ուղևոր' Գավառի Ազատության փողոցի 43-րդ շենքի թիվ 45 բնակարանի բնակիչ, 1983 թ. ծնված Սարգիս Գասպարյանը տեղում մահացել է, իսկ վարորդ Գ. Կարապետյանը տարբեր մարմնական վնասվածքներով տեղափոխվել Սեւանի հիվանդանոց: Ըստ բժիշկների' տուժածի վիճակը բավարար է:

 Սեպտեմբերի 20-ին, ժամը 20.30-ի սահմաններում ավտոպատահար է տեղի ունեցել Արագածոտնի մարզում' Կանչ-Թալին ավտոճանապարհի 2-րդ կմ-ում:

Դեռեւս չպարզված հանգամանքներում' ընթացքի ժամանակ շրջվել է «ԵրԱԶ» մակնիշի 18 ՍԼ 656 պետհամարանիշի ավտոմեքենան, ինչի հետևանքով վարորդ, 1963 թ. ծնված Ա. Հակոբյանը տեղում զոհվել է:

Սեպտեմբերի 21-ին, ժամը 06.55-ին Գեղարքունիքի մարզից ահազանգ է ստացվել, որ Վարդենիս-Ծովակ ավտոճանապարհի 9-րդ կմ-ում տեղի է ունեցել ավտոպատահար, և անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռեւս չպարզված հանգամանքներում' «Մերսեդես» մակնիշի 17 ՍՕ 069 պետհամարանիշի ավտոմեքենան ընթացքի ժամանակ դուրս է եկել ճանապարհի երթևեկելի մասից և բախվել ծառին, ինչի հետևանքով վարորդ, 1964 թ. ծնված Է. Հովհաննիս­յանը տեղում մահացել է: Ավտոմեքենայից տեղի է ունեցել գազի արտահոսք:

Դեպքի վայր մեկնած փրկարարները կատարել են հովացման ու լվացման աշխատանքներ: