ՀՀ կենտրոնական ընտրական հանձնաժողովը սահմանել է 2009թ. դեկտեմբերի 6-ին թիվ 8 և թիվ 25 ընտրատարածքներում ՀՀ Ազգային ժողովի մեծամասնական ընտրակարգով լրացուցիչ ընտրությունների նախապատրաստման և անցկացման հիմնական միջոցառումների ժամանակացույցը։

Այս ընտրատարածքներում լրացուցիչ ընտրություններ անցկացնելու մասին որոշումը ԿԸՀ-ն կայացրել է՝ հիմք ընդունելով ՀՀ ԱԺ 2009թ.-ի սեպտեմբերի 15-ի՝ ՀՀ ԱԺ պատգամավորներ Հակոբ Հակոբյանի և Սասուն Միքայելյանի պատգամավորական լիազորությունները դադարած համարելու մասին N16 և 17 արձանագրությունները և ղեկավարվելով ՀՀ ընտրական օրենսգրքի 41-րդ հոդվածի 1-ին կետի 10-րդ, 23-րդ ենթակետերով և 118-րդ հոդվածի 1-ին և 2-րդ կետերով։

Ըստ սահմանված ժամանակացույցի՝ դիտորդները պետք է հավատարմագրվեն մինչև 2009թ. նոյեմբերի 26-ը։ Քվեարկության օրվա, քվեարկության տեղի և ժամանակի մասին ընտրողները ծանուցվելու են մինչև 2009թ. դեկտեմբերի 3-ը։ Թեկնածուների առաջադրման փաստաթղթերը համապատասխան ընտրատարածքային ընտրական

հանձնաժողով ներկայացվելու են 2009թ.սեպտեմբերի 22-ից մինչև

2009թ.սեպտեմբերի 27-ը՝ ժամը 18:00։ Ընտրական տեղամասերը կազմավորվեու են մինչև 2009թ.հոկտեմբերի 22-ը։ Տեղամասային կենտրոնները կազմավորվեու են մինչև 2009թ.հոկտեմբերի 22-ը։

7or.am