Երեկ իֆթարի արարողության ժամանակ Թուրքիայի վարչապետ Ռեջեփ Թայիփ Էրդողանը հայտարարել է, որ հայ-թուրքական բանակցային գործընթացում Թուրքիայի դիրքորոշումը մնացել է անփոփոխ։ «Քանի դեռ Ադրբեջանի գրավյալ տարածքները չեն վերադարձվել,  Հայաստանի հետ սահմանը չի բացվի»,-հայտարարել է Թուրքիայի վարչապետը։ «Թուրքիան գտնում է, որ ղարաբաղյան հակամարտության կարգավորումը շատ մոտ է։ Եթե մենք Հայաստանի կողմից չտեսնենք կոնկրետ քայլեր, սահմանի բացման մասին ոչ մի խոսք չի կարող լինել»,-ասել է Էրդողանը։ Թուրքիայի վարչապետի այս հայտարարությանն անմիջապես հետևել է Ադրբեջանի ԱԳՆ արձագանքը։ «Ադրբեջանը ողջունում է Թուրքիայի վարչապետի այս հայտարարությունը, որով հերթական անգամ ամրագրվում է պաշտոնական Անկարայի դիրքորոշումը»,-ասել է Ադրբեջանի ԱԳՆ պաշտոնական ներկայացուցիչ Էլխան Պոլուխովը։

Ըստ «Milliyet»-ի