Աստրախանում հանդիպել են Ռուսաստանի նախագահ Վլադիմիր Պուտինն ու Ադրբեջանի նախագահ Իլհամ Ալիևը։

ՌԴ նախագահի մամուլի ծառայությունից հայտնում են, որ կողմերը քննարկել են երկկողմ հարաբերություններին առնչվող հարցեր և ամփոփել Մերձկասպյան պետությունների ղեկավարների 4-րդ գագաթաժողովի արդյունքները:

«Ռուսաստանի և Ադրբեջանի հարաբերությունները միշտ էլ զարգացել են բարեկամական և փոխվստահության համատեքստում։ Մենք շատ ուրախ ենք, որ մեր հարաբերությունները ևս այդ ուղղությամբ են զարգանում, ներառյալ՝ ամենազգայուն ոլորտները»,–ասել է Վ. Պուտինը։

Իլհամ Ալիևն էլ իր գոհունակությունն է հայտնել Պուտինին, որ իրենց միջև պահպանվում է մշտական երկխոսությունը։

«Մենք հանդիպել էինք նախորդ ամիս, և այսօր դա մեր հարաբերությունների մակարդակի ցուցիչն է։ Այդ ընթացքում նաև մեր երկրների պատվիրակությունների փոխադարձ այցեր են եղել»,–ընդգծել է Ալիևը։

7or.am