Մենք, ներքոստորագրյալներս, խորապես մտահոգված ենք Հայոց հողի կանչով, ֆրան­սիա­կան բարեկեցիկ կյանքը պատերազմական Արցախով փոխարինած ու Հայրենիքին նվիրված հայորդու, սփյուռքահայ, Արցախյան պատերազմի մասնակից ազատա­մարտիկի՝ Սարգիս Հացպանյանի հայրենիքում անհեթեթ բանտարկության կապակ­ցությամբ: Հինազուրկ և անհասկանալի է ու նաև անհերքելի փաստ է, որ Արցախի ազա­տամարտիկին, երկու անչափահաս երեխաների հորը, շինծու «քրեական» մեղադրանքով ազատազրկել են։ Զայրացուցիչ է ՀՀ պաշտպանության  նախարա­րության եւ ԼՂՀ ՊԲ կեցվածքը, որոնք  հայտարարում են իբր իրենց արխիվներում Հացպանյանի ազատա­մարտիկ լինելու հանգամանքը հաստատող փաստեր չկան: Եթե այդպես է, խորհուրդ ենք տալիս դիտելու ֆրանսահայ ազատամարտիկ Սարգիս Հացպանյանի մտերիմների՝ ազատամարտիկի անձնական արխիվից հավաքած արցախյան պատերազմին Հացպանյանի ունեցած  ավանդը փաստող տեսագրություններով վերջերս պատրաստված ամբողջական ֆիլմը, ուր ներկայացված է, թե ինչպես է Հացպանյանը իր տեսախցիկով վավերագրել Արցախի պաշտպանության համար մղված ռազմական գործողությունները և նա հանդես է գալիս որպես ազատամարտիկ՝ Քելբաջարի օպերա­ցիայի ու Մարտակերտի պաշտպանական մարտերի ժամանակ: Սարգիս Հացպանյանը բոլոր վճռական ազատա­մարտերի ժամանակ իր տեսախցիկով եղել է «Ազատագրական բանակի» (Լեոնիդ Ազգալդյանի եւ Վլադիմիր Բալայանի ջոկատի, որի անդամ էր նաեւ Հացպանյանը) հետ: Պահանջում ենք ձեռնարկել բոլոր անհրաժեշտ միջոցները, որպեսզի ՀՀ Ազգային ժողովի 2009թ. հունիսի 19-ի համաներման օրենքը տարածվի Ս. Հացպանյանի վրա, քանի որ նա իսկապես մասնակցել է ղարաբաղա-ադրբեջանական պատերազմին և Հացպանյանին իրոք ճանաչող եւ իրեն հարգող ոչ մի մարդ դա չի կարող ուրանալ... Պահանջում ենք օր առաջ ազատ տեսնել Սարգիս Հացպանյանին:

Գևորգ Խռլոպյան -  դոկտոր պրոֆեսոր

Բարսեղ Քարթալյան - հասարակական գործիչ

Արա Գասպարյան - բժիշկ

Հովհաննես կարաբեկյան - ճարտարապետ

Լևոն Մկրտչյան - կինոռեժիսյոր

Արա Դեվկունց - նկարիչ

Հակն Վահան -  ճարտարապետ

Հրաչ Ֆռունջյան - ռեժիսյոր

Հրանտ Թումասյան -ազատամարտիկ

Գրիգոր Էքսմեջյան - հնչյունային ռեժիսյոր

Նունե Ավետիսյան -«Բարև» հեռուտատեսային ժամ

Խաչատուր Խոդիկյան - հասարակական գործիչ

Անահիտ Մարտիրոսյան -«Ժամանակ» լրատվական ծրագիր

Աիդա Պողոսյան - բանաստեղծուհի

Արմեն Բարսեղյան - «Տեսակետ» հեռուտատեսային ժամ

Ռուդիկ Հովսեփյան - «Վարագույր» հեռուստաժամ

Հովհաննես Բալայան - «Քաջ Նազար» պարբերական և հեռուստաժամ

Արմեն Ոսկերչյան - «Պետություն և Իրավունք» շաբաթաթերթի  գլխավոր խմբագիր

Վլադիմիր Կարապետյան  2-րդ աշխարհամարտի վետերան

Աշոտ Կարապետյան - Հայաստանի ազգային ակադեմիայի ակադեմիկոս

Էդուրադ Քալաջյան - «AMGA» հեռուստատեսության տնօրեն

Հյուբի Խաչատրյան - հոգեբանության գիտությունների թեկնածու

«Հիմա» երիտասարդական կազմակերպություն, ք. Ֆրեզնո, Կալիֆորնիա