Մամլո ասուլիսի ժամանակ անդրադառնալով բանակային խնդիրներին՝ Գրականության ինստիտուտի փոխտնօրեն, արցախյան պատերազմի մասնակից, մարտական խաչի շքանշանակիր Վարդան Դևրիկյանն ասել է, թե չի կարելի մի քանի մասնավոր դեպքերն ընդհանրացնել ողջ բանակի վրա։

-Ոչ ոք չի ասում, թե զորամասում եղած որևէ փաստ պետք է կոծկել, իրականությունը վարդագույն ներկայացնել, սակայն մի կարևոր հարց կա՝ թե փաստերն ինչքանո՞վ են ընդհանրական։ Հասարակական գիտակցության մեջ այն, ինչ աստիճանաբար ձևավորվում է որպես հրամանատարի կերպար, որքանո՞վ է համապատասխանում իրականությանը։ Այդպիսի կերպարի ստեղծումն արդյոք նպաստո՞ւմ է մեր բանակի առողջացմանը, թե՞ հակառակը՝ վատ հետևանքներ է ունենում։ Եթե որևէ մեկն ինձ անընդհատ ասի՝ դու մուրացկան ես, բոմժ ես, հանցագործ ես, ակամայից կկոմպլեքսավովեմ ու  կընկնեմ այդ հոգեվիճակի մեջ,-ասել է նա։

Ըստ Վարդան Դևրիկյանի՝ հիմա կեղտաջրի նման բանակի հրամանատարության վրա շպրտվում է, թե նրանք սադիստ են, ծեծող, ինչը  դառնություն է բերում առանց այն էլ առաջին գծում տեղի ունեցող դեպքերից ու եղանակից կոպտացած հրամանատարությանը։

7or.am