Իրանը և Պակիստանը պայմանավորվել են սահմանամերձ շրջաններում համատեղ հետապնդել ահաբեկիչներին։ Այս մասին հաղորդել է իրանական «Տասնիմ» գործակալությունը։ Համաձայնությունը հնարավորություն է տալիս երկու երկրների սահմանապահներին անհրաժեշտության դեպքում հատել հարևան պետության սահմանը։

Պայմանավորվածության համաձայն՝ ահաբեկիչներին հետապնդող սահմանապահները հարևան երկրում պարտավոր են գործել սահմանափակ տարածքում և համակարգել գործողությունները հարևան երկրի իշխանությունների հետ։

Կողմերը համաձայնության են եկել իրանա–պակիստանյան սահմանին մի շարք պատահարներից հետո, երբ զինյալների մի խումբ փորձում էր ներթափանցել Իրան Պակիստանից։ Վերջին բախումը տեղի է ունեցել երեքշաբթի Սարավան իրանական սահմանագծի մոտ։ Մի քանի զինված ջիհադականներ փորձում էին ներխուժել Իրանի տարածք՝ այնտեղից Իրաք ուղղվելու ու «Իսլամական պետությանը» միանալու համար։

Տեղեկացնում է «ԻՏԱՌ–ՏԱՍՍ»–ը։