Այսօր լրագրողների հետ  հանդիպման ժամանակ «Ժառանգություն» կուսակցության վարչությունից հեռացված Մովսես Արիստակեսյանն ասել է, որ կուսակցության կանոնադրության համաձայն՝ անձի մասին որոշում կայացնելիս պարտադիր է անձի ներկայությունը: Իսկ կուսակցությունից հեռացնելուց առաջ, տվյալ անձին 3 անգամ գրավոր պետք է դիմվի, ապա նոր՝ չներակայանալու դեպքում, կայացվի համապատասխան որոշում, ինչը, սակայն, տեղի չի ունեցել։ «Ժառանգություն» կուսակցության մամլո խոսնակ Հովսեփ Խուրշուդյանն իր հերթին «7 օր»-ի հետ զրույցում նշել էր, որ վարչության նիստի մասին հեռացված անդամներին տեղյալ պահվել է, սակայն վերջիններս չեն ներկայացել։ Ըստ Մ. Արիստակեսյանի՝ եթե «Ժառանգության» ներսում հարցը չլուծվի, իրենք կդիմեն նաև արդարադատության նախարարություն։