«Ժառանգություն» կուսակցության վարչության՝ երեկ կայացրած որոշման առումով կուսակցության Շիրակի մարզի կառույցի ղեկավար Վահագն Հովհաննիսյանն այս պահի դրությամբ դեռ վերջնական կարծիք չունի:

«7օր»-ի այն հարցին, թե արդյո՞ք նա նախօրոք տեղյակ է եղել այդ որոշման մասին, Վահագն Հովհաննիսյանը պատասխանել է. «Ես այսօր ոչ մի բան չեմ կարող ասել. հարցեր կան ճշտելու, իսկ որոշման մասին տեղյակ եմ եղել մասամբ: Ինձ համար որոշ բաներ անհասկանալի են»:

Իսկ հարցին, թե պաշտպանո՞ւմ է արդյոք կուսակցության վարչության որոշումը, Վահագն Հովհաննիսյանը պատասխանել է. «Այս պահի դրությամբ չեմ պաշտպանում: Ես չգիտեմ՝ ինչ է տեղի ունեցել։ Այդ մարդիկ մեծ արժեք ունեն թե՛ ինձ համար, թե՛ կուսակցության համար: Սակայն երկկողմանի հանդիպումներից և պարզաբանումներից հետո միայն ես կարող եմ իմ վերջնական կարծիքը հայտնել»:

Դերենիկ Մալխասյան

 Գյումրի