Լրագրողների հետ հանդիպման ժամանակ անդրադառնալով հայկական բանակում վերջին շրջանում աղմուկ հանած ինքնասպանության, սպանության դեպքերին՝ արձակագիր, հրապարակախոս Արա Պաչյանն ասել է, թե ինքն այդ թեմայով մի քանի հրապարակում է ներկայացրել և կարծում է, որ իրականությունը ցույց տալու համար դա դեռ քիչ է։

-Հեռուստաընկերություններում բանակային սերիալներ են ցույց տալիս, վարդագույն  գույներով են ամեն ինչ ներկայացնում, բայց ճշմարտության հասնելու համար պետք է իրականությունն արտացոլել։ Այն, ինչ ես անձամբ եմ զգացել, ապրել բանակում, ներկայացնում եմ գեղարվեստական երկի միջոցով և հասցնում եմ մարդկանց։ Կարծում եմ, որ ինչքան էլ զինվոր-զինվոր հարաբերությունները վատ են, մեկ է, համակարգողը սպայական անձնակազմն է, որն անգրագետ է, բթամիտ, մահակի լեզվով առաջնորդվող։ Նրանք չեն հասկանում, որ կարելի է երկխոսել զինվորների հետ, այլ ոչ թե մահակներն առած՝ շարքը լավ չես կանգնել՝ գլխիդ կտամ, սենց չես արել՝ խփեմ, ջարդեմ, սպանեմ։ Այդպես չի լինի,-ընդգծել է նա։

Ըստ Արա Պաչյանի՝ պետք է անպայման խնդիրները արծարածվեն հրապարակայնորեն, բոլոր քրեական գործերը ավարտին հասցվեն, որպեսզի բանակում հնարավոր լինի ամեն ինչ կարգի գցել։

-Ես կարծում եմ, որ բանակում պարտադիր դիսցիպլինա պետք է լինի,-ընդգծել է նա։

7or.am