Պատմական գիտությունների թեկնածու էդուարդ Աբրահամյանն «Արմատ» ակումբում լրագրողների հետ հանդիպման ժամանակ նշել է, որ հայ-թուրքական հարաբերություններում բավական պրոբլեմատիկ իրավիճակ է ստեղծվում։

-Ակտիվորեն քարոզել, որ շուտով սահմանը կբացվի, ամեն ինչ լավ կլինի, իմ կարծիքով մանկամտություն է, որովհետև Հայաստանն այսօր պատրաստ չէ սահմանի բացմանը։ Եթե ուզում եք տեսնել, թե ինչ կարող է հետագայում լինել Հայաստանի հետ, կարելի է տեսնել, թե ինչ վիճակ է Վրաստանում։ Թուրքիան այսօր ցանկացած պահի կարող է տնտեսապես ճնշել Վրաստանին։

Նրա կարծիքով նախապայմանների մասին խոսելն այսօր շատ տեղին է, քանի որ Թուրքիան իր համար հոյակապ դիվանագիտական խաղի տեղ է թողել, ինչը չի արել հայկական դիվանագիտությունը։

7or.am