Հայ զինվորը սահմանի վրա պաշտպանում է նախ իր ընտանիքն ու իր կյանքը։

Նա պաշտպանում է դիրքերը և իր ընկերներին։

Պաշտպանում է մոտակա բնակավայրը, ու նաև Հայաստանը։

Խրամատում հերթապահություն անող զինվորը պաշտպանում է նաև կոռուպցիոներին, ապաշնորհ իշխանություններին, ցմփոր զինվորականությանը, ընտրակեղծարար համայնքապետերին, սաշիկներին, երիտսաշիկներին, հաճախորդներին, ճամբարափոխներին, «մուտիլովչիկներին», կեղծ հայրենասերներին, «թունդ ընդդիմադիրներին», ռուսահպատակներին, արևմտիչներին, «լայթս ֆիդայիններին», ֆեյսբուքյան «ռեմբոներին», ստատուսչի պաշտոնյաներին, անգրագետ դիպլոմավորներին ու գրագետ պնակալեզներին, հայրենիքը «MasterCard»–ի ու «Visa Card»–ի վրա եղած կլորիկ գումարի հետ փոխելու պատրաստ ժելեոտածներին, սրբազան ավազակաորջի անդամներին, դեսպանի կարգավիճակ ստացած «տիրացուին», «անհետ կորած» նախագահին, շոումեն նախարարներին ու «սելֆի» անող մարզպետներին, բանակի հաշվին թանկարժեք մեքենա քշող գեներալին ու նույն այդ գեներալի համար փաստաբանություն անող նախարարին, պաշտոնյաներին ու «հոգևորականներին» թանկարժեք մեքենաներ նվիրող ընկերներին, օֆշորներում հաշիվ բացողներին, բիոզուգարաններում փողի լվացք անողներին, թուրքի հետ «ֆուտբոլ» խաղացողներին։ Բոլորին, բոլորին...

Մի խոսքով, հայ զինվորը պաշտպանում է պետությունը ներքին ու արտաքին ոտնձգություններից։ Ցավոք՝ կյանքի գնով։

Կեցցե՛ն սահմանին կանգնած մեր եղբայրները։

Կորյուն Մանուկյան