ՀՀԿ խորհրդի անդամ, ԱԺ պատգամավոր Ռաֆիկ Պետրոսյանը լրագրողների հետ հանդիպման ժամանակ խոսելով Րաֆֆի Հովհաննիսյանի՝ մանդատից հրաժարվելու մասին, ասել է, որ իրական պատճառն իմանալու համար պետք է հենց իրեն հարցնել, որովհետև դրան մի քանի մեկնաբանություն կարելի է տալ։

-Ես կարող եմ մեկնաբանել նրանով, որ, տեսնելով, որ իր կողմից նույնպես հետապնդված հարցերը պետությունն ինքն է արդեն լուծում և գնում է հարաբերությունների նորմալացմանը, մեկը կարող է ասել՝ էլ ես անելիք չունեմ, պետությունն անում է, թող անի։ Մյուս կողմից էլ կարող է մտածել, որ պետությունը, հանրապետության նախագահը սխալվում են, իշխող կուսակցությունն ու կառավարությունը սխալվում են, և սա կարող է հանգեցնել  վատ հետևանքների հայ ժողովրդի համար. կարող է ասել՝ ես ձեռքերս լվանում եմ, քաշվում մի կողմ, որ այդ մեղքն իմ վրա չընկնի,-ասել է Ռաֆիկ Պետրոսյանը։

Իսկ ինչ վերաբերում  է Խաչատուր Սուքիասյանին, նրա խոսքերով՝ պատգամավորն ինքը բացատրել է, և ինքն էլ գնահատական կարող է տալ դրան։

-Սուքիասյանն ինքը բացատրել է իր քայլը. ասում է, որ այն ԱԺ-ն, որը տվեց համաձայնություն ինձ կալանավորելու, ձերբակալելու, ես այդ ԱԺ-ում անլիք չունեմ,-հավելել է պատգամավորը։

7or.am