Հարցազրույց «Բարգավաճ Հայաստան» խմբակցության պատգամավոր Վահան Բաբայանի հետ

–Չնայած արձակուրդային ժամանակահատվածին՝ ներքաղաքական ակտիվ զարգացումներ տեղի չեն ունենում, բայց իշխանական մամուլն այս օրերին նոր թափով հարձակում է սկսել ոչիշխանական «քառյակի» և հատկապես ԲՀԿ–ի դեմ։ Ինչո՞վ եք դա պայմանավորում։

–Դա պայմանավորված է բացառապես ԲՀԿ-ի և անձամբ Գագիկ Ծառուկյանի բարձր վարկանիշով, ինչպես նաև առողջ քաղաքական ուժերի համախմբման փաստով՝ ի դեմս «քառյակի»: Մեր դեմ իշխանական մամուլը և իր տխրահռչակ ու բոլորին վաղուց հոգնեցրած հարձակումները զրոյական նշանակություն ունեն, քանի որ մենք ունենք հասարակության վստահությունը:

–Բավականին մտահոգիչ զարգացումներ են տեղի ունենում Հայաստանի շուրջ, սակայն անգամ այս պայմաններում իշխանությունը չի հրաժարվում սահմանադրական փոփոխությունների մտադրությունից։ Ձեր կարծիքով իշխանությունը վերարտադրվելու որևէ հնարավորություն ունի՞։

–Գուցե իրենք մտածում են, որ բազմադարյա պատմություն և իմաստություն ունեցող հայ ժողովուրդը դա էլ կուլ կտա, բայց հիմա այդ ժամանակները չեն։ Ասեմ ավելին՝ այդ ժամանակները վաղուց անցել են: Երկրին, իհարկե, փոփոխություններ են անհրաժեշտ, սակայն ո՛չ սահմանադրական:

Հարցազրույցը վարեց Արեգնազ Մանուկյանը