Այսօր Գեղարքունիքի մարզի Վարդենիսի տարածաշրջանի ավելի քան յոթ տասնյակ ֆերմերներ բողոքի ակցիա են իրականացրել կառավարության շենքի դիմաց:

Ինչպես հաղորդում է ԳԱԼԱ-ն, Ֆերմերները հայտնել են, որ 2011 թվականին Կառավարության կողմից հատկացված ցորենի սերմացուն ծլունակ չի եղել: Ու սա այն դեպքում, երբ ցորենի սերմացուն ֆերմերներին հատկացվել է մեկին երկուսը վերադարձնելու պայմանով:

«Ընդհանրապես սերմացուն ծլունակ չի եղել. ցանել ենք, բայց ոչ մի բերք չենք ստացել, «գցել են» մեզ, հիմա պահանջում են կրկնակին, բայց մենք բերք չենք ստացել, որտեղի՞ց հետ վերադարձնենք»,- բողոքում էին ֆերմերները:

Դժգոհող ֆերմերները ցանկանում էին հանդիպել ՀՀ վարչապետ Հովիկ Աբրահամյանի հետ, սակայն դուրս էր եկել ՀՀ կառավարության աշխատակազմի դիմում բողոքների ընդունման բաժնի պետ Ալեքսանդր Ղազարյանը: Կառավարության չինովնիկին ֆերմերները ցույց են տվել բոլոր փաստաթղթերը:

Հարցին՝ տեղյակ է՞ եղել հատկացված սերմացուից, Ա. Ղազարյանը բացասական պատասխան է տվել:

Մանրամասները՝ այստեղ։