-Որքան էլ մեր արտգործնախարարությունը նախարարի շուրթերից հայտարարի, որ օգոստոսի 31-ին իբր թե նախաստորագրված արձանագրությունները ոչ մի կապ չունեն ոչ՛ Կարսի պայմանագրի, ո՛չ էլ արցախյան հարցի հետ, այդուամենայնիվ, պարզից էլ պարզ է, որ այս փաստաթուղթը բերելու է նրան, որ Հայաստանը մնա այսօրվա սահմաններում և որևիցե պահանջ չներկայացնի Սովետական Հայաստանի քարտեզում նշված իրական տարածքներից,-«Արցախ» մամուլի ակումբում հրավիրված ասուլիսի ժամանակ հայտարարել է ՀՌԱԿ ատենապետ Հարություն Առաքելյանը։

Բանախոսն ասել է նաև, թե  նախաստորագրված արձանագրություններն առնվազն էթիկայի խախտում էին հատկապես հայկական սփյուռքի հանդեպ, քանի որ «գաղտնիության քողի տակ տարվող բանակցությունների» արդյունքներն առանց համապաստախան հասարակական կարծիքի ուսումնասիրման, առանց պաշտոնական մեկնաբանությունների՝ միանգամից մատուցվեցին հանրությանը:

7or.am