-Ֆուտբոլային դիվանագիտությունը ճիշտ բնութագում չէ։ Ֆուտբոլային դիվանագիտություն գոյություն չունի. գոյություն ունի ֆուտբոլի խաղն օգտագործել դիվանագիտություն հաստատելու համար,-«Դուպլեքս» մամուլի ակումբում ասել է ԱԺ ՀՀԿ խմբակցության պատգամավոր Ռաֆիկ Պետրոսյանը։

Ռ. Պետրոսյանն ասել է, որ, ինչպես դարեր ի վեր, այնպես էլ Հայաստանի անկախացումից հետո, Թուրքիայի քաղաքականությունը մեր նկատմամբ ոչնչով չի փոխվել։

-Միշտ էլ նրանք խաբեբայական եղանականերով, շողոքորթելով հասել են իրենց նպատակներին։ Այսօր հայ-թուրքական հարաբերություններից որևէ նշանակալի բան ես չեմ սպասում,-նշել է ԱԺ պատգամավորը։

«Սերժ Սարգսյանը կգնա՞ Թուրքիա, թե՞ ոչ» հարցին հանրապետական պատգամավորը պատասխանել է.

-Դա պետք է ՀՀ նախագահը որոշի։ Սակայն ՀՀԿ շատ կուսակցականների կարծիքով նա չի գնա, որովհետև Թուրքիան բազմաթիվ հարցեր դեռ չի լուծել։ Իմ կարծիքով Ս. Սարգսյանը չի գնա։

Ռաֆիկ Պետրոսյանն ասել է նաև, թե մենք ներկա պահից սկսած պետք է Թուրքիային մեղադրենք պայմանավորվածությունները խախտելու համար.

-Հակառակ դեպքում իրենք են ՀՀ նախագահին մեղադրելու ֆուտբոլային խաղին չմասնակցելու համար,-ընդգծել է նա։

7or.am