Վերահսկիչ պալատը սեպտեմբերի 2-ից ստուգումներ է սկսում Շիրակի մարզի համայնքներում եւ մարզպետարանում: Մարզային ստուգումներն  իրականացվելու են 4 վարչությունների կողմից: Թե ինչպես են ծախսվում պետական միջոցները, մարզի պաշտոնյաները ինչպես են տնօրինում պետական ունեցվածքին ,  պարզ կդառնա մոտավորապես մեկ ամսից: Ստուգումների ավարտից հետո արդյունքները բաց  եւ հրապարակային կամփոփվեն՝ խոստացավ Վերահսկիչ պալատի նախագահ Իշխան Զաքարյանը, ով այսօր հանդիպեց մարզպետարանի աշխատակիցների եւ համայնքների ղեկավարների հետ: Նա  անձամբ բոլորին ծանոթացրեց վերհսկողության ամբողջ գործընթացի հետ, համայնքների ղեկավարներին ներկայացնելով նաեւ 21 կետից բաղկացած հարցաշարի բովանդակությունը, որոնց պատասխանների հիման վրա է ամփոփվելու համայնքների և Շիրակի մարզպետարանի  գործունեությունը: 

Շիրակի Մարզպետարանում վերահսկողությունը սկսվել է դեռևս մեկ ամիս առաջ: Մինչևբուն ստուգումները նախ իրականացվում է դիտարկման պրոցես, համապատասխան կառույցներից պահանջվում  է անհրաժեշտ փաստաթղթերը: Մարզում ստուգումները կսկսվեն սեպտեմբերի 2-ից:

-24 աշխատանքային օր Վերահսկիչ պալատի 4 վարչություններ կաշխատեն մարզում: Հարկ եղած դեպքում հնարավոր է ավելանա ևս 12 աշխատանքային օր,- բացատրում է Իշխան Զաքարյանը:

 Նա նաև զգուշացնում է.  «Չխոչընդոտել Վերահսկիչ պալատի գործունեությանը, հակառակ պարագայում կլինեն խիստ պատժամիջոցներ»:

Դերենիկ Մալխասյան

Գյումրի