Այսօրվա ասուլիսին ազատամարտիկ Յուրա Աթոյանը հայտարարել է, որ փոխգնդապետ Խաչիկ Ավետիսյանի «մատը խառն» է Վոլոդյա Ավետիսյանի գործում. «Վոլոդյա Ավետիսյանը որ սկսել էր այս պայքարը, նույն փոխգնդապետ Խաչիկ Ավետիսյանը խմբեր հավաքեց ու սկսեց զուգահեռ ցույցեր անել: Հենց Վոլոդյային կալանավորեցին, Խաչիկը գետնի տակ անցավ: Ու էսքանից հետո բոլորս էլ համոզված ենք, որ հենց Խաչիկը սարքեց Վոլոդյա Ավետիսյանի գլխին. ինքը իշխանությունների պատվերն էր կատարել»։

Աթոյանը հավելել է նաև. «Ո՞ւր է կորել Խաչիկ Ավետիսյանը: Մանվելն իր հերթին քաշեց ազատամարտիկներին, Խաչիկն էլ մյուս կողմից իր մոտ տարավ, որ մենք պառակտվենք ու այս օրին հասնենք»։

Հիշեցնենք, որ Վոլոդյա Ավետիսյանին ազատազրկել են նախորդ տարվա սեպտեմբերին։