ԵԽԽՎ–ում հայաստանյան պատվիրակության անդամ, ՀՀ ԱԺ ԲՀԿ խմբակցության պատգամավոր Նաիրա Զոհրաբյանը բարձրացրել է Ադրբեջանում գերեվարված Հակոբ Ինջիղուլյանի հարցը։ Այս մասին այսօր հրավիրված ասուլիսում հայտնել է ԵԽԽՎ հայաստանյան պատվիրակության ղեկավար Դավիթ Հարությունյանը՝ միաժամանակ լավատեսություն չունենալով, որ ԵԽԽՎ–ն որևէ քայլ կձեռնարկի, քանի այդ հարցը նրա մանդատի շրջանակներում չէ:

Դ. Հարությունյանը նաև ասել է, որ ԵԽԽՎ նորընտիր նախագահ Անն Բրասորը հայաստանյան պատվիրակության հետ շփումներ չի ունեցել, միայն Դավիթ Հարությունյանի հետ քննարկել է հայ–ադրբեջանական հարաբերություններին վերաբերող հարցեր:

ԵԽԽՎ նորընտիր նախագահն առաջիկայում նաև չի պատրաստվում այցելել Հայաստան, փոխարենը՝ գնալու է Ադրբեջան, քանի որ հաջորդ տարի ԵԽԽՎ նախագահությունը ստանձնելու է Ադրբեջանը:

Դավիթ Հարությունյանը նաև ընդգծել է, որ ԵԽԽՎ-ի կողմից մշտապես վարվող բալանսավորված քաղաքականությունը Հայաստանի համար ընդունելի չէ։

7or.am